Liquidation reports ng LGU ng Cagayan de Oro, nais na ipasuri sa COA
Nanawagan ang ilang taga Cagayan de Oro na maisailalim sa pagsusuri ng Commission on Audit ang liquidation reports na isinusumite ng lokal na pamahalaan.
Kasunod ito ng akusasyon kay Cagayan de Oro Mayor Klarex Uy ng sinasabing iregularidad ng paggamit sa P330 milyong pondo ng lokal na pamahalaan sa pamamagitan ng mga ginawang cash advances.
Mismong ang dating City Administrator ng Cagayan de Oro na si Teddy Sabuga-a ang nagsiwalat ng aniya ay “massive cash advances” ni Uy sa pagitan ng 2022 hanggang unang buwan ng 2025.
May ilang indibiduwal din aniy ang nakatanggap ng cash advances ng 20 beses
Alinsunod sa COA Circular No 97002 at Republic Act 9184 (Procurement Law) ay ipinagbabawal ang palagiang paggamit ng cash advances at kailangan ang agaran nitong pag-liquidate.
Madelyn Moratillo
