Malakanyang binati ang mga atletang Pinoy na nakakuha ng medalya sa isinasagawang Sea Games sa Kuala Lumpur Malaysia
Ikinatuwa ng Malakanyang ang magandang performance ng mga atletang Pinoy na kalahok sa Southeast Asean Games sa Kuala Lumpur Malaysia.
Sa isang statement na inilabas ni Presidential Spokesman Ernesto Abella nagpaabot ng mainit na pagbati ang Malakanyang kina Mary Joy Taban gold medal sa marathon, Nikko Bryan Huelgas at John Leerams Chicano na nanalo ng gold medal at silver medal sa men’s triathlon events.
Marion Kim Mangrobang at Maria Claire Adorna na nakasungkit ng gold at silver medals sa women’s triathlon event.
Kareel Hongitan, Nicole Marie Tagle at Maryqueen Ybanez para sa bronze medal sa women’s team recurve archery.
Mark Javier, Florante Matan, Gabriel Moreno and Rogelio tremedal para sa bronze medal sa men’s team recurve archery.
Sa kabuuan ang Pilipinas ay mayroon ng 3 gold medal, 4 na silvel medal at 4 na bronze medal.
Ulat ni:Vic Somintac
