Metro Manila at iba pang lugar isinailalim sa heavy rainfall warning dahil sa malakas na buhos ng ulan

Itinaas sa heavy rainfall warning ng PAGASA ang Metro Manila at iba pang lugar dahil sa malakas na buhos ng ulan.

Sa rainfall advisory ng PAGASA, orange warning level ang nakataas sa Cavite, Laguna at Batangas.

Habang yellow warning level ang umiiral sa Metro Manila, Bataan, Pampanga, Bulacan, Zambales, Rizal at Quezon.

Babala ng PAGASA, maaring makaranas ng landslide at flashfloods sa mga apektadong lugar.