Mga estudyante sa Marawi City, papayagang mag-enroll sa Iligan at CDO City para makapag-aral

Inaasahang madaragdagan ang bilang ng mga estudyanteng papasok sa Iligan at Cagayan de Oro city mula sa Marawi City.

Ayon kay Education Secretary Leoor Briones, nasa 5 libong mga batang estudyante ang tumutuloy sa mga evacuation centers sa Iliga City at inaasahang madaragdagan pa ito.

Ayon sa kalihim, papayagan naman ng DepEd na mag-enroll ang mga estudyante mula sa Marawi City kahit kulang-kulang ang kanilang mga dokumento.

Inaasikaso na rin aniya ng mga local officials ng DepEd ang posibleng mga problemang kahaharapin nila gaya ng kakulangan sa mga silid-aralan at mga guro.

Matatandaang sinuspinde ng DepEd ang pagbubukas ng klase sa Marawi city at walong barangay sa Lanao del Sur kasunod ng kaguluhanng nagaganap sa Marawi city.