Mahigit 300 PDLs nakinabang sa Food for Training activity sa Pangasinan
Courtesy: DSWD FO1
Nakinabang ang 398 Persons Deprived of Liberty o PDLs, sa isinagawang Food for Training activity ng Department of Social Welfare and Development (DSWD) Field Office 1- Ilocos Region, sa Bureau of Jail Management and Penology (BJMP) Urdaneta District Jail- Male Dormitory, sa Urdaneta City, Pangasinan.
Ang naturang aktibidad ay pinangunahan ng Community Based Services Section-Special Concerns Unit, sa pakikipagtulungan sa Disaster Response Management Division.
Courtesy: DSWD FO1
Kabilang sa mga dumalong partner agencies ay ang CDRRMO at BFP, na nagbahagi rin ng kanilang kaalaman ukol sa Disaster Preparedness, Fire Prevention at Basic Life Support.
Bukod sa mga kaalamang natutuhan ng mga PDL at natanggap na family food packs, ay mayroon ding iba’t ibang programa at serbisyong kanilang pakikinabangan at ng kanilang mga pamilya.
Aldrin Puno
