Ilang miyembro ng gabinete ni Pang. Duterte konektado sa CPP-NPA- Sen. Trillanes
Konektado umano sa Communist Party of the Philippines, New Peoples Army ang ilang miyembro ng gabinete ni Pangulong Rodrigo Duterte na may kinalaman sa pagpapatakbo sa pabahay ng gobyerno.
Ito ang ibinunyag ni Senador Antonio Trillanes matapos magdesisyon ang Pangulo na huwag nang bawiin ang mahigit limang libong bahay na iligal na inokupa ng grupong KADAMAY sa Pandi Bulacan.
Ayon kay Trillanes, ito ang dahilan kaya malakas ng loob ng mga rebelde na okupahan ang pabahay na nakalaaan para sa mga pulis at sundalo.
Isa sa tinukoy ni Trillanes sina Cabinet Secretary Leoncio Evasco Jr.,
chairman ng Housing and Urban Development Coordinating Council na
miyembro rin ng CPP Central Committee na nakabase sa Bicol.
“Based on the information received, some members of the Cabinet connected to the administration of government housing units are involved with the Communist Party of the Philippines (CPP). Among these are: Leoncio Evasco Jr., Secretary to the Cabinet and Chair of Housing and Urban Development Coordinating Council (HUDCC), allegedly a member of the CPP, and elected as CPP Central Committee member in the 8th Central Committee Plenum (1981) in Mt. Susung Dalaga, Bicol; Marcelino P. Escalada Jr., General Manager of the National Housing Authority (NHA), reportedly a CPP full member; and James Mark Terry Ridon, Chair of the Presidential Commission for the Urban Poor, elected as CPP Central Committee Member in the 13th Central Committee Plenum (2012) in Quezon City”. – Sen. Trillanes
Miyembro rin anya ng samahan sina NHA General Manager Marcelino
Escalada Jr. at Presidential Commission for the Urban Poor James Mark
Terry Ridon na nakabase sa CPP Central Committee Plenum sa Quezon
City.
Isa lang aniya itong katunayan na nais talaga ng mga rebelde na magkaroon ng kanilang permanenteng base na malapit lamang sa Metro Manila.
Kasabay nito, naghain si Trillanes ng Senate Resolution 345 para
paimbestigahan sa Senado ang natanggap nyang intelligence report na
ang grupong KADAMAY ay front organization ng mga komunistang grupo.
Ulat ni : Mean Corvera
