SC binigyan ng limang araw si VP Robredo para bayaran na ang ₱8M na initial counter-protest fee na nabigo nitong bayaran
Philippine President Benigno Aquino (C) holds up the hands of Manuel Roxas (L) and Leni Robredo (R), who he has endorsed as presidential and vice-presidential candidates for the May, 2016 national elections, during an event in Manila on October 5, 2015. The Philippines will elect a new leader in May 2016, and contenders must register their candidacy ahead of a mid-October deadline. AFP PHOTO / Jay DIRECTO
Ibinasura ng Korte Suprema ang apela ni Vice-President Leni Robredo na maipagpaliban ang pagbabayad niya ng 15 million pesos na counter-protest fee.
Ito ay matapos ipag-utos ng Supreme Court kay Robredo na magbayad ng initial cash deposit na 8 million pesos na recount fee na hindi nito binayaran noong April 17 na deadline.
Limang araw ang ibinigay ng Korte Suprema para bayaran ang nasabing halaga.
Una nang itinakda ng Supreme Court sa July 14 ang ikalawang cash deposit ni Robredo na 7 million pesos.
Sa kanyang counter-protest laban kay dating Senador Bongbong Marcos, kinukwestyon ni Robredo ang resulta ng Vice-Presidential elections sa mahigit walong libong clustered precincts o mahigit 31 thousand na presinto.
Ulat ni: Moira Encina
