Malakanyang nabastusan kay UN Special Rapporteur Agnes Callamard dahil sa walang pasintabing pagpasok sa Pilipinas
Dismayado ang Malakanyang sa pagpunta sa Pilipinas ni UN Special Rapporteur Agnes Callamard nang wala man lang abiso sa pamahalaan.
Sinabi ni Presidential Spokesman Ernesto Abella, kahayagan ito na hindi interesado si Callamard na makakuha ng katotohanan sa isyu ng drug war at sinasabing extra judicial killings sa bansa.
” We are aware that Dr. Callamard is currently in the Philippines and we are disappointed that, in not contacting our government in advance of this visit, she has sent a clear signal that she is not interested in getting an objective perspective on the issues that are the focus of her responsibility. “- Abella
Ayon kay Abella noon pang September 26, 2016 nagpadala ng imbitasyon ang Pilipinas kay Callamard pero inisnab niya ito.
Lalo umanong tumibay ang hinala ng Malakanyang na walang balak si Callamard na malaman ang buong katotohanan sa anti drug campaign ng pamahalaan dahil kung kailan bumiyahe papuntang Geneva ang Senior Level Delegation ng Pilipinas para makipagkita sa United Nations High Commission for Human Rights saka naman ito nagpunta ng Pilipinas.
Inihayag pa ni Abella na tila sinadya ni Callamard na balewalain ang protocol.
Ulat ni: Vic Somintac
