Pangulong Duterte inakusahan ng harrasement ni Senador Trillanes
Inakusahan ni Senador Antonio Trillanes ang administrasyon ng umano’y pangha harass at pag-abuso sa kapangyarihan.
Kasunod ito ng pagsasampa ng kasong murder at frustrated murder ng gobyerno laban kay Retired SPO3 Arturo Lascanas sa kasong pagpatay sa brodkaster na si Juan Porras alyas Jun Pala noong 2003.
Ayon kay Trillanes, mismong mga kaalyado ni Pangulong Duterte sa Senado ang nagsabing hindi credible witness si Lascanas matapos itong humarap sa imbestigasyon ng Senado.
Nakapagtataka aniya na gagamiting batayan ngayon ng Davao City Prosecutors Office ang testimonya ni Lascanas sa pagdinig ng Senado para sa kaniyang kaso.
Iginiit ni Trillanes na kung gagamiting batayan ang testimonya ni Lascanas, dapat isama sa kakasuhan ang mga co conspirators nito kabilang na ang Pangulo.
“This is a clear case of legal harassment and abuse of authority by the Duterte administration, meant to silence Lascañas and prevent him from testifying against Duterte in any legal forum. After a hearing conducted by the Senate on Lascañas’ admissions, Duterte allies were quick to dismiss his testimony and conclude that he is not credible. And now, the Davao City prosecutor’s office is filing charges against him based on that same testimony”. – Sen. Trillanes
Ulat ni: Mean Corvera
