DOH, tuloy tuloy ang pagbibigay ng tulong sa Marawi City

Tuloy-tuloy ang ayuda na ibinibigay ng Department of Health para sa mga biktima ng bakbakan sa Marawi City.

Ayon kay Health Secretary Paulyn Ubial, nakapagbigay na sila ng dalawang milyong pisong halaga ng medical assistance at supplies.

Tiniyak pa ni Ubial na nakahanda na rin sila sakaling kulangin ng supply ng dugo.

Ipinabatid rin ni Ubial na muli nang nagbukas ang Amai Pakpak Medical Center sa Marawi City.