ISIS mayroong 20 cell groups na nag-ooperate sa Mindanao ayon sa OSG
Isiniwalat ng Office of the Solicitor General na mayroon 20 cell groups ng ISIS ang nag-o-operate sa Mindanao.
Ito ay bukod pa sa Abu Sayaff, Maute group, BIFF at AKP na nangako ng katapatan sa islamic state.
Sa kanilang memorandum sa Korte Suprema, sinabi ng OSG na ang cell groups na ito ay naglunsad na rin ng mga pag-atake sa Basilan, Sulu, Tawi-Tawi, Zamboanga at Davao na ang layunin ay hindi lamang maghasik ng takot kundi magdeklara ng hiwalay na teritoryo sa Pilipinas.
Sa loob lamang anila ng taong ito, aabot na sa 43 ang mga mararahas na pag-atake na inilunsad ng nasabing mga grupo at karamihan sa mga insidenteng ito ay mga pagsabog, panggigipit at pagdukot.
Kabilang sa mga sinasabing cell group na nasa Mindanao ay ang mga sumusunod:
- Ansar Dawiah Fi Filibbin
- Rajah Solaiman Islamic Movement
- Al Harakatul Islamiyah Battalion
- Jama’at Ansar Khilafa
- Ansharul Khilafah Philippines Battalion
- Bangsamoro Justice Movement
- Khilafah Islamiya Mindanao
- Abu Sayyaf Group (Sulu faction)
- Syuful Khilafa Fi Luzon
- Ma’rakah Al-Ansar Battalion
- Dawla Islamiyyah Cotabato
- Dawlat Al Islamiyah Waliyatul Masrik
- Ansar Al-Shariyah Battalion
- Jamaah al-Tawhid wal Jihad Philippines
- Abu Dujanah Battalion
- Abu Khubayn Battalion
- Jundallah Battalion
- Abu Sadr Battalion
- Jamaah Al Muhajirin wal Anshor
- Balik-Islam Group
Ulat ni: Moira Encina