Atty. Marife M. Lomibao- Cuevas itinalaga bilang bagong Clerk of Court En Banc ng Korte Suprema
Mayroon nang bagong Clerk of Court En Banc ang Korte Suprema.
Ito ay si Deputy Clerk of Court at Executive Officer Atty. Marife Lomibao-Cuevas.
Papalitan ni Atty. Cuevas si SC Clerk of Court En Banc Atty. Edgar Aricheta na magreretiro ngayong Marso.
Pinagtibay ng mga mahistrado ng Korte Suprema ang appointment ni Cuevas.
Si Cuevas ay nagtapos ng kursong BA Political Science sa UP Diliman at ng abogasya sa Ateneo School of Law.
Bago maging opisyal sa Korte Suprema, naging litigation lawyer siya sa Cuevas Law Office mula 1996 hanggang 2000.
Naging Court Attorney naman siya sa tanggapan ni dating Chief Justice Reynato Puno mula 2000 hanggang 2010.
Nagsilbi rin si Cuevas bilang Court Attorney VI sa Office of the Clerk of Court En Banc mula 2010 hanggang 2019.
Pagkatapos nito ay nahirang si Cuevas sa kasalukuyang pwesto nito na Deputy Clerk of Court & Executive Officer ng Clerk of Court En Banc.
Si Atty Cuevas ay siya ring maybahay ni Dean Serafin Cuevas Jr na Vice-President for Legal and External Affairs at dean ng College of Law ng New Era University.
Moira Encina
