Ilang Barangay sa QC, nakararanas ng mahinang suplay ng tubig dahil sa leak repair works

Naglabas ng abiso ang Manila Water ng emergency leak repair works sa ilang lugar sa Quezon City ngayong araw, August 13.

Kabilang sa mga apektadong Barangay ay ang Bagong Pag-Asa, Alicia, Ramon Magsaysay at Sto. Cristo.

Ayon sa Manila Water, nagkaroon ng mainline breakage sa ginagawa ng third-party contractor sa kahabaan ng EDSA kanto ng Corregidor St., Brgy. Ramon Magsaysay.

Inaasahang matatapos ang leak repair ng alas-5:00 mamayang hapon batay na rin sa pahayag ng Manila Water.