Ilang lugar sa Valenzuela at Parañaque may water interruption simula mamayang gabi

Mayroong pito hanggang walong oras na Water service interruption ang Maynilad sa bahagi ng Valenzuela city at Parañaque city.

Sa abiso ng Maynilad simula mamayang alas 10:00 ng gabi  hanggang alas 6:00 ng umaga bukas ay mawawalan ng suplay ng tubig ang Barangay Karuhatan, Marulas at Parada sa Valenzuela city.

Alas 10:00 naman ng gabi mamaya hanggang alas 5:00 ng umaga bukas ay mawawalan ng suplay ng tubig ang Barangay Merville at Moonwalk sa Parañaque.

Inabisuhan ng Maynilad ang mga apektadong residente na mag-ipon ng tubig na kanilang kakailanganin para sa nabanggit na mga oras.

 

=============