Malabon City, naglunsad ng walk-in vaccination para sa senior citizens

Inanyayahan ni Malabon City Mayor Len Oreta ang mga senior citizen, na magtungo sa alinmang pinakamalapit na school vaccination site sa kanilang lugar.

Kaugnay ito ng inilunsad na walk-in vaccination program sa lungsod.

Ayon sa alkalde, ang isang senior citizen ay maaaring magsama ng isang edad 18-59 na mayroong comorbidity, upang ito man ay mabakunahan din.

Ipinaalala rin ng alkalde, na ang walk-in program ay ekslusibo lamang sa senior citizens.

Kung nais namang mag-avail ng isang nasa A3 priority eligible group, ay kailangan niyang magsama ng isang senior citizen na hindi pa nababakunahan.

Ulat ni Edison Domingo, Jr.