Mga pumasa sa 2024 Bar Exams, nanumpa na

Courtesy: SC PIO

Ganap nang mga abogado ang mga pumasa sa 2024 Bar Examinations matapos na makapanumpa ngayong Biyernes.

Kabuuang 3,962 examinees ang pumasa sa pagsusulit noong nakaraang taon.

Si Supreme Court Clerk of Court En Banc Atty. Marife Cuevas ang nagpanumpa sa mga bagong abogado.

Isa sa mga nanumpa si Allan Gutierrez, Jr., na nagtapos ng abogasya sa New Era University.

Ayon kay Allan, na-promote siya sa kaniyang trabaho matapos na pumasa sa bar exams.

Aniya, “Masaya siyempre lalo na’t nakapasa, saka para rin sa magulat ko at asawa ko. I’m currently promoted as legal officer sa current employer ko so I will be practicing corporate law.”

Masaya rin si Luigi De Vera ngayong nakapanumpa na siya dahil nakamit na niya ang kaniyang pangarap.

Sabi ni de Vera, “Very grateful po, natupad na finally pangarap namin na maging abogado. Ngayon po nag-apply ako sa mga law firms at may offer po ako sa isang law firm po ngayon.”

Samantala, hindi pa rin makapaniwala si Shiva na abogado na siya at plano niyang pumasok sa public service para magamit ang pagiging abogado.

Aniya, “Since abogado na po ako, it still feels surreal. Now, it takes time to take it all. Since they said lawyering is not a momey making business so public service po talaga.”

Pinaalalahanan ni 2024 Bar Exams Chairperson at Supreme Court Associate Justice Mario Lopez ang mga nanumpa, ng mga mahahalagang katangian na dapat taglayin ng mga abogado para maging morally competent.

Ayon kay Lopez, “Remember your ETHICS. It embodies Education, Technology, Humility, Integrity, Compassion, and Service. These are the hallmarks of a morally competent, or should I say, MVL—Morally Valuable Lawyer. It takes ETHICS to be an MVL because a lawyer who values education, technology, humility, integrity, compassion, and service is the kind of lawyer that people deserve and expect from.”

Courtesy: SC PIO

Hinimok naman ni 2025 Bar Exams Chair at SC Justice Amy Lazaro- Javier ang mga bagong abogado na manatiling mapagkumbaba at mabuting tao at maglingkod sa mamamayan.

Sabi ni Javier sa mga nanumpang abogado, “May you always strive to be the best lawyers and humans you can be. Never lose your ideals. Carefully choose your learnings, the people you emulate. Train hard, and give back to the people, the community, and the public whenever there is an opportunity. Passing the Bar is a gift. And now, you have been gifted to give.”

Moira Encina-Cruz

Please follow and like us:

Leave a Reply

Your email address will not be published. Required fields are marked *