OIC sa Bureau of Immigration, itinalaga

Nagtalaga ng officer-in-charge sa Bureau of Immigration.

Ito ay matapos na ideklarang bakante ng Palasyo ang ilang posisyon sa mga opisina at ahensya sa executive department.

Sa department order na inisyu ni Justice Secretary Crispin Remulla, si Rogelio Gevero Jr. na next-in-rank at most senior official ang magsisilbing OIC ng BI hanggang sa July 31 o hanggang sa may ma-appoint sa posisyon.

Si Gevero ang hepe ng Immigration Regulation Division.

Pinalitan ni Gevero si dating Immigration Commissioner Jaime Morente na appointee ni dating Pangulong Rodrigo Duterte.

Moira Encina