Pagdating sa bansa ng Russian anti COVID-19 vaccine na Gamaleya hindi matutuloy – Malakanyang
(FILES) This file photo taken on March 29, 2021 shows the Russian Sputnik V Covid-19 vaccine, during a vaccination campaign at the State Hospital in Cailungo, San Marino. - Germany's Bavaria region has signed a previsional agreement to buy doses of Russia's Sputnik V coronavirus vaccine once it is approved by European regulators, state premier Markus Soeder said on April 7, 2021. The southern state has "signed a memorandum of understanding today... for the supply of Sputnik," Soeder told reporters in Munich. (Photo by Andreas SOLARO / AFP)
Kinumpirma ng Malakanyang na hindi muna matutuloy ang pagdating sa bansa ng 15 libong inisyal na doses ng Russian anti COVID 19 vaccine na Gamaleya.
Sinabi ni Presidential Spokesman Secretary Harry Roque na may logistical challenges na kinakaharap ngayon na nagresulta sa pagkaantala ng delivery ng bakuna.
Ayon kay Roque kabilang sa logistical problem ay ang kawalan ng direct flight mula Russia patungong Pilipinas gayundin ang cold storage requirement ng bakuna na negative 20 degrees temperature.
Inihayag ni Roque na gumagawa na ng kaukulang hakbang si Vaccine Czar Secretary Carlito Galvez para makarating sa bansa ang Russian vaccine.
Ang Russian anti COVID 19 vaccine na Gamaleya ay kabilang sa gagamitin ng bansa sa isasagawang mass vaccination kasama ng Sinovac, AstraZeneca, Pfizer, Moderna at Johnson and Johnson.
Vic Somintac
