Release order para kay dating Customs Chief Nicanor Faeldon, nilagdaan na ni Senador Gordon

[KGVID]http://www.radyoagila.com/wp-content/uploads/2018/03/video-1520825271.mp4[/KGVID]

Iniutos na ng Senado ang pagpapalaya kay Captain Nicanor Faeldon.

Si Faeldon ay pinatawan ng contempt at ipinakulong ng Senado noong September 2017 dahil sa pagtangging magsalita at makipagtulungan sa imbestigasyon kaugnay ng pagpapalusot ng mahigit 604 kilos ng shabu na nagkakahalaga ng 6.4 billion pesos.

Pero hiningan ng commitment si Faeldon na kailangang makipagtulungan sa imbestigasyon at huwag sasagot ng pabalang sa mga Senador.

Kailangang magpakita aniya ito ng respeto at proper decorum sa mga imbestigasyon.

Si Faeldon ay kasalukuyang naka-detine sa Pasay city jail.

 

Ulat ni Meanne Corvera