180,000 menor de edad sa QC, nabakunahan na kontra Covid-19

Tuluy-tuloy ang pagbabakuna sa lahat ng age group sa lungsod Quezon.

Sa tala ng City Government, nasa halos 180,000 kabataan na o mga nasa edad 12-17 ang nabakunahan na.

Sa isinagawang pagbabakuna kahapon sa 5th District ng lungsod, nasa halos 2,000 menor de edad ang nabakunahan.

Samantala, tuluy-tuloy din ang pagbabakuna sa booster sa mga kabilang sa A1, A2 at A3 priority groups maging sa adult population.

Sa mga nais magpabakuna maaaring mag-book ng schedule sa QC Vax Easy Plus (https://qceservices.quezoncity.gov.ph/qcvaxeasy) o maaari ring magpalista sa inyong mga Barangay o pinakamalapit na Health center sa inyong lugar.

Bawal ang walk-in sa mga vaccination site.