ASEAN Tourism Forum 2026 gaganapin sa Pilipinas

Courtesy: Dept. of Tourism
Ang Pilipinas ang magsisilbing host sa ASEAN Tourism Forum (ATF) 2026.
Ayon sa Department of Tourism (DOT), kasunod ito ng pormal na pagtanggap ni Tourism Secretary Christina Frasco sa chairmanship ng ATF sa ceremonial handover sa Malaysia.
Isa sa mga inaasahan sa ATF ay ang ASEAN Tourism Ministers’ Meeting na isasagawa sa Cebu sa Enero 2026.

Courtesy: Dept. of Tourism
Magkakaroon din ng TRAVEX trade show at iba’t ibang conferences.
Sinabi ng DOT na gaganapin ang preparatory meetings ng forum sa Maynila at sa Boracay.
Inihayag ni Frasco na hindi lang oportunidad ang forum para talakayin ang mga polisiya kundi para saksihan din ang potensyal ng ASEAN para sa sustainable tourism growth.
Moira Encina-Cruz