Dr. Edwin Mercado bagong presidente at CEO ng PhilHealth

Courtesy: PCO
May bago ng president at Chief Executive Officer ang Philippine Health Insurance Corporation.
Ayon sa Presidential Communications Office, nanumpa na si Dr. Edwin Mercado sa harap ni Pangulong Ferdinand Marcos, Jr., sa Malakanyang.
Si Mercado, na isang US-trained orthopedic surgeon ay may 35 taong karanasan sa hospital management.
Nagsilbi rin syang vice chairman ng Mercado General Hospital/Qualimed Health Network mula noong Marso 2021.
Nagtapos sya ng medisina sa University of the Philippines noong 1987, at kumuha ng Master of Medical Sciences in Global Health Delivery sa Harvard Medical School noong 2023.
Mayroon rin syang Executive Master sa Healthcare Administration mula sa University of North Carolina sa Estados Unidos.
Papalitan nya si dating PhilHealth President at CEO Emmanuel Ledesma, Jr.
Madelyn Villar-Moratillo