Dr. Francisco Duque balik DOH, kapalit ni dating Health Secretary Ubial
Hinirang ni Pangulong Rodrigo Duterte si Dr. Francisco Duque III bilang Kalihim ng Department of Health.
Pinalitan ni Duque si dating Health Sec. Jean Pauline Ubial matapos ibasura ng makapangyarihang Commission on Appointments ang kanyang ad interim appointment.
Si Duque ay dati na ring naitalaga bilang Health Secretary noong panahon ni dating Pangulong Gloria Macapagal Arroyo.
Sa ilaim ng administrasyon ni dating Pangulong Noynoy Aquino ay pinamunuan ni Duque ang Civil Service Commission na nagtagal hanggang noong 2015.
Bago ang kanyang muling appointment sa DOH, si Duque ay itinalaga ng pangulo bilang board member sa Government Service Insurance System (GSIS).
Ayon kay Presidential Spokesman Ernesto Abella na tiwala silang magagampanan ni Duque ang kanyang trabaho dahil hindi na raw ito bago sa DoH.
