Sec. Mark Villar, pinakamayamang miyembro ng gabinete samantala sina NAPC Chair Liza Maza at Sec. Rafael Mariano ang pinakamahirap

Nangunguna sa pinakamayamang miyembro ng gabinete ni Pangulong Rodrigo Duterte si Public Works and Highways Sec. Mark Villar, anak nina dating Sen. Manny at Sen. Cynthia Villar.

Batay sa inilabas ng Malacañang Records Section na kopya ng Statement of Assets, Liabilities and Networth  o (SALN) ng Cabinet members, nagdeklara si Villar ng kabuuang P1, 409, 149, 197 na net worth o taglay na yaman.

Sumunod sina Finance Sec. Sonny Dominguez na may P51, 859, 283; DICT Sec. Rodolfo Sasalima na mayroong P304, 961, 439.91; DOTr Sec. Art Tugade , P301, 999, 204; Energy Sec. Alfonso Cusi, P162, 701, 642; Communications Sec. Martin Andanar, P152, 272, 523.19; NEDA chief Ernie Pernia, P105, 431, 605. 52; Foreign Affairs Sec. Alan Peter Cayetano, P54, 737, 374. 00; Trade Sec. Ramon Lopez, P50.5 million; Tourism Sec. Wanda Teo, P44, 910, 950.95; Presidential Adviser on the Peace Process Jesus Dureza, P40, 044, 880.07 at Justice Sec. Vitaliano Aguirre, P37, 632, 069.77.

Pasok din sa pinakamayamang gabinete sina Agriculture Sec. Manny Piñol na mayroong P25, 599, 632.23; National Security Adviser (NSA) Hermogenes Esperon, P22. 245 million; Budget Sec. Benjamin Diokno, P19, 814, 429.00; National Intelligence Coordinating Council Director-General Alex Paul Monteaguado, P16.505 million; Labor Sec. Silvestre Bello III, P15, 450, 000; DILG Acting Sec. Catalino Cuy, P14.7 million; National Commission on Muslim Filipinos Sec. Yasmin Busran-Lao, P13, 908, 027.80; PMS Acting Sec. Ferdinand Cui Jr., P7, 981, 610. 81; DoST Sec. Fortunato dela Peña, P7. 451 million; Education Sec. Leonor Briones, P4, 387, 498.67; Defense Sec. Delfin Lorenzana, P3. 656 million, DSWD Sec. Judy Taguiwalo, P1, 973, 520 at DOH Sec. Paulyn Ubial, P1.160 million.

Pinakamahirap namang miyembro ng gabinete sina NAPC Chairman Liza Maza, na mayroong P730, 716 at DAR Sec. Rafael Mariano na may P273, 629.58 na yaman.

Hindi naman nakasama sa inilabas ng Malacañang ang kopya ng SALN nina Exectuive Sec. Salvador Medialdea, Special Assistant to the President Bong Go at Chief Presidential Legal Counsel Salvador Panelo.