Senador Trillanes, kinasuhan na nina Davao City Vice Mayor Paolo duterte at Atty. Mans Carpio

Kinasuhan ng mag-bayaw na sina Davao City vice Mayor Paolo Duterte at Atty. Manases Carpio si Senador Antonio Trillanes.

Ang kasong sibil ay isinampa nina Duterte at Carpio sa Davao City Regional Trial Court (RTC), na napunta kay branch 15 judge mario duaves.

Sinabi ni Branch 15 clerk of court Atty. Kaiser Kate Narciso na sa susunod na linggo pa nila ilalabas ang iba pang detalye ng nasabing kaso.

Magpapalabas aniya ng summon si Judge Duaves matapos busisiin ang reklamo laban kay Trillanes na nagsangkot kina Duterte at Carpio sa umanoy Davao group na nasa likod ng korapsyon sa Bureau of Customs (BOC).