13 pang TRO petitions kaugnay sa 2025 elections, nakabinbin pa sa Korte Suprema

Aabot pa sa 13 petisyon para sa TRO kaugnay sa 2025 elections ang hindi pa nareresolba ng Korte Suprema.

Ayon kay Supreme Court Spokesperson Atty. Camille Ting, mula October 9, 2024 hanggang sa kasalukuyan ay 25 petisyon mula sa mga diniskuwalipika at idineklarang nuisance candidates ng Comelec para sa halalan sa Mayo, ang humiling ng TRO sa Korte Suprema.

Supreme Court Spokesperson Atty. Camille Ting

Labing-dalawa aniya sa mga ito ang naresolba kung saan pinagbigyan ang hirit na TRO at ipinasasama sa balota ang kanilang pangalan habang ang 13 ay nakabinbin pa.

Ayon kay Supreme Court spokesperaon Atty. Camille Ting, “The supreme court has acted on 10 cases plus 2 today so we still have a few pending, but we just have to wait and see if the supreme court will issue tro now.”

Dalawa sa TRO ay inisyu ng SC ngayong Martes, kung saan pinaboran ang mga petisyon nina Francis Leo Marcos laban sa pagdeklara sa kaniya na nuisance candidate sa pagka-senador at Noel Rosal laban sa pagkansela sa CoC nito sa pagka-gobernador ng Albay.

Sinabi pa ni Ting, “These TROs, they enjoined or prevent Comelec from implementing resolutions considering the candidates are disqualified or a nuiscane candidate, so that means they have to be included in the ballot.”

Aniya, ikinukonsidera ng mga mahistrado ang pagsisimula ng ballot printing, pero ang ilan sa mga petisyon ay Disyembre 2024 lang inihain habang ang iba ay ngayong Enero lamang kaya kinakailangan din nila ng panahon para maresolba ito lahat, kaya walang maibigay na timeline.

Ayon pa sa tagapagsalita ng SC, “The court does consider the printing of ballots of course but it did remind the Comelec in case of Marcos, the Comelec should also be aware that in disqualifying candidate there’s a big chance that these candidate are going to bring the issue to the Supreme Court and the Supreme Court would need time to actually resolve their cases.”

Moira Encina-Cruz

Please follow and like us:

Leave a Reply

Your email address will not be published. Required fields are marked *