Bagong tayong Taguig City General Hospital Outpatient Department binuksan na

Courtesy: Taguig City PIO

Courtesy: Taguig City PIO

Bukas na ang bagong tayong Taguig City General Hospital Outpatient Department, na isang modernong pasilidad na magbibigay ng mas accesible at dekalidad na pangangalagang pangkalusugan para sa mga taga Taguig.

Matatagpuan ito sa C6 Road, Barangay Hagonoy.

Courtesy: Taguig City PIO

Mayroon itong makabagong mga kagamitang medikal para sa malawak na serbisyo sa outpatient, laboratoryo at radiology.

Libre rin ang outpatient consultation gaya ng internal medicine, cardiology, pulmonology, surgery, obstetrics and gynecology at pediatrics.

Courtesy: Taguig City PIO

Para sa karagdagang konsultasyon, ang outpatient department ay magbibigay ng specialized procedures kasama ang electrocardiograms o (ECG), minor surgery, spirometry, nebulization, laboratory diagnostics tulad ng hematilogy, clinical microscopy, microbiology, clinical chemistry, radiology services, diagnostics, x-rays, ultrasound at CT scans.

Courtesy: Taguig City PIO

May forty percent discount para sa mga residente ng Taguig sa outpatient, laboratory at radiology services, maging ang senior citizens at persons with disabilities o PWD, ay makatatanggap ng extra 20% discount.

Para naman sa mga mangangailangan ng karagdagng assistance, magagamit ang malasakit center upang magbigay ng karagdagang medical at financial support.

Courtesy: Taguig City PIO

Tiniyak ni Taguig City Mayor Lani Cayetano sa publiko, na ang lungsod ay magbibigay ng tuloy-tuloy na suporta para sa operasyon sa Taguig General Hospital at Taguig-Pateros District Hospital.

Archie Amado

Please follow and like us:

Leave a Reply

Your email address will not be published. Required fields are marked *